ما اجملك

    شاطر
    avatar
    Admin
    Admin

    عدد المساهمات : 622
    السٌّمعَة : 0
    تاريخ التسجيل : 24/07/2009
    العمر : 29

    ما اجملك

    مُساهمة من طرف Admin في الخميس يوليو 30, 2009 12:07 pm


    أصل الولاده

    دم الشهاده

    بارض كربلاء

    لحظة ميلادك يحسين يوم العاشر من عاشور

    أرخها باعظم صفحات مكتوبه بحروف النور

    جفين العباس شموع عبدالله طش دمه عطور

    الاكبر والقاسم هاليوم بميلادك يهدون نحور

    فيك نور الانبياء ساطع في كربلاء

    يبقى قلاده

    دم الشهاده

    بارض كربلاء

    يالراسم دمك بالطف ابلغ صوره للتعبير

    اوداجك خطت جلمه تحمل عنوان التكبير

    أسمك بالثورات اصبح للعالم قوه وتأثير

    ياأول قائد صمم واسس دوله للتحرير

    انت عنوان الصمود ووساما للخلود

    أشرف عباده

    دم الشهاده

    بارض كربلاء

    دين الله مر بادوار صعبه شكد وشكد خطره

    بالسرعاش وبالاعلان سطعت شمسه بالهجره

    ثبتت للاسلام اركان جاهد وتشيد كصره

    بالخيط وبالسيف أنصان وبدم حسين ونحره

    ياوليد الكبرياء حاملا اعظم لواء

    طعم السعاده

    دم الشهاده

    بارض كربلاء

    مثلك خلوا فوكك رماح بس الفارق أنته أنسان

    نزلت من دمك ايات تسطع ظلت بالاكوان

    سال دمومك من نصاب أنته وياه تؤام خوان

    وتخلد توا بالكونين يحسين أنته ويه القران

    أنت ياروح الرسول في الفرزع والاصول

    صوت الاراده

    دم الشهاده

    بارض كربلاء

    ياوحي الله وبرهانه يامعجزته واياته

    يافلك وعصه وخاتم ياسر عيسه وجلماته

    ياقران وبسملته بسمك حقق اثباته

    بزغت بالطف انوارك يانور الله بمشكاته

    كنت قبك الخلق نور حولك الخلق تدور

    رمز القياده

    دم الشهاده

    بارض كربلاء

    ادم صاح باسم حسين وترجه من راد يتوب

    يونس أنقذته من الحوت جان اسمك صبره لايوب

    يوسف بسمك رد ردود يمفرج كلبه ليعكوب

    وانته لجدك من رديت مكطوع النحر ومخضوب

    عدت مهشوم الضلوع رافضا درب الخضوع

    أعلن جهاده

    دم الشهاده

    بارض كربلاء

    كل طعنه سيف بجسمك تتالم روحه لجبريل

    والسهم الصوب كلبك طاح مصوب اسرافيل

    والكوم الكطعوا نحرك كطعوا نحره لاسماعيل

    وتهشم ركن الكعبه من هشموا ضلعك بالخيل

    صارخا صوت الضمير مرعب العقل الضرير

    أهلع فؤاده

    دم الشهاده

    بارض كربلاء

    جيتك يحسين بهليوم لذنوبي بلجت تشفع

    بمحبتك يابو السجاد يسمو لانسان ويرفع

    واليبغض شخصك مشكوك باصل المولد والمرضع

    بترجه الجمع التوقيع كل احنه نصير الاصبع

    انت حبك الاعتصام تهتدي فيك الانام

    نهج اشاده

    دم الشهاده

    بارض كربلاء
    خادم أهل البيت ع - حسن تويج النجفي
    avatar
    alhaywan

    عدد المساهمات : 461
    السٌّمعَة : -1
    تاريخ التسجيل : 25/07/2009

    رد

    مُساهمة من طرف alhaywan في الثلاثاء أغسطس 04, 2009 9:26 pm

    كم جميلة مواظيعك
    كجمالك يا صديقى
    وسلاما على ال بيت رسول الله
    تحياتى

      الوقت/التاريخ الآن هو السبت ديسمبر 15, 2018 5:00 am