ابيات في حب اهل البيت عليهم السلام

    شاطر
    avatar
    Admin
    Admin

    عدد المساهمات : 622
    السٌّمعَة : 0
    تاريخ التسجيل : 24/07/2009
    العمر : 28

    ابيات في حب اهل البيت عليهم السلام

    مُساهمة من طرف Admin في الإثنين يوليو 27, 2009 10:47 pm



    طيـر ويـريد جنـاح ماتكـفي جنحـين
    هـيج الـﮔــلب ملـهوف لزيارة حسـين
    ****
    بيـن الحسـين وبيـن حضرة العـباس
    روحي ترد وتـروح ضلت يهالناس
    ~~~~
    لو مانهوض حسين وﮔـطعت الجفين
    چـان أنطوه وجا مات كل ذكر للدين
    ***********
    ﮔـلبي أنفطر ياناس وأنجسم نصين
    نص كله لأهل البيت والثاني لحسين
    ***********
    للخوه مفخر صار قدوه لهالناس
    غيره وشرف وأيمان من مثل عباس
    ***********
    حسين أصيح حسين من زغري يحسين
    ساكن أبلب أحشاي ما شافـتـك عــيــن
    ***********
    ايدگ ﮔـلبي بسمك صار كل دﮔـه ابوحسين
    عالفطره واعشـﮔـناك ما شافتك عـــــــين
    *********
    أنت السمع والشوف واحساسي بالكون
    خليهه كل الناس رافض يكَولــــــون
    *********
    حبك علي بحشاي يسري وي دمي
    أسمك نشيد وياي من أطلوك امــي
    *********
    مبروك الف مبروك ليكم يشيعه
    انولــدت بهالـيوم الــكم شـفـيعـه
    *****
    للزهره هذا اليوم يطرب لساني
    وللشيعه بالأفـراح زف التـهـانـي
    *****
    كل دﮔـه بالـدلال صاحت يزهره
    الفرح هـذا اليوم اصـبح اشـكـبره
    *****
    أفرح يـﮔلبي اليوم وك بطّل النوح
    مولد الزهره اليوم خل تفرح الروح
    ****
    أفرح وي أهل البيت يا ﮔلبي وذوب
    وأغسل بحبهم ﮔـوم شما عنـدك ذنوب
    *****
    كـون الوكت ينعاد ولصحنك أنعود
    نحـلـف يبو السجاد منعـوفك اردود
    ****
    ححسـين الـدرب للفـوز بالك تعـوفه
    بيـوم الحسـاب وياك باچـر تشـوفه
    ******
    يـا ﮔـلبي رف وطـير وديني لحسـين
    اغسـل ذنوبي هناك وي دمعة العـين
    *****
    كل المـلك هاليوم فـوگ الوطـيه
    خـدام اجت لحسـين ابن الزچـيه
    *****
    أذراعـك وي حسين حطه بذراعـه
    مـيـخيـبك بيه يوم ترجه الشفـاعـه
    avatar
    alhaywan

    عدد المساهمات : 461
    السٌّمعَة : -1
    تاريخ التسجيل : 25/07/2009

    رد

    مُساهمة من طرف alhaywan في الأربعاء يوليو 29, 2009 12:29 am

    [b]
    الى صديقى العزيز
    نجان الكلب تنطيه كله لال البيت
    انه الكلب والروح انطيهة يا ريت
    وسلاما لال بيت رسول الله
    مع تقديرى واحترامى sunny

      الوقت/التاريخ الآن هو السبت نوفمبر 18, 2017 5:27 am